| 琴晚九點幾,我落寶林JC買野,回家途中,我遇到一個好耐無見既人。
其實我一個月前都見過佢,係景林村口,佢著住件有足總 logo既風褸,拖住條女。
我同佢隔住一條馬路,你眼望我眼,到過馬路時都無望大家。
過左馬路之後,我倆都擰轉頭望對方,係果刻開始,我知道佢已經認得我。
而今次,我地又撞到,好想上前問佢係咪識我,但我無咁做,大家都扮唔識對方。
兩次我都著住街坊look,好柒。最後我跟蹤佢,原來佢住景桃樓,而我住景榆樓。
我決定上網搵關於佢既野,佢now係有不同身份既足球員,甚麼球會主將,全國乜乜。
網上仲搵到佢其他資料,甚麼香港足球大使,學界冠軍,仲有其他運動既地區冠軍。
細個果陣佢已經樣樣野都係強項,我諗而家有關足球既野,佢都榜上有名。
前幾日夜晚,我如常要去KT區隊集訓,今次同丙組一齊操,輸兩粒,好x勁。
教丙組果個coach,原來係佢既隊友,因為佢兩個同一球會,我從圖片中認得佢。
連結去其他球會瀏覽圖片,認到好多平時街場既人,年紀都我差唔多,都有踢球會。
忽然覺得自己身邊高手如雲。佢個球會裡,我搵到好多以前我既朋友。
細個踢波果D朋友當中,個個喜歡叫花名。我以前叫"麥當勞",守龍門的。
如果唔係我忘記佢地真名,我可能係球會認出更多人。
我小學三四年班時,第一次參加青訓,認識左阿興,佢以隊長身份,
帶領我地得到全港第八名,我而家仲有keep住拎獎盃張相,我單手舉起個獎盃。
其後第二年先認識佢,當時佢已經係好重炮。我地成班街童日日落街玩,踢波。
四圍搗亂,比人發現我地就一齊跑,我次次都走得最慢。有次探險,我比佢地嚇到喊。
而家,我依然記得層看輕&寒城,因為果時我同佢兩個最fd,好懷念細個既日子。
有D以前踢波差過我的,而家都能夠踢得咁好,如果升中一時我唔係要搬屋。
留係青衣繼續同佢地一齊踢波,唔知我今日會唔會入到港隊呢!?
忽然覺得青衣係一個臥虎藏龍之地,身邊既朋友都一步一步係足球生涯成長。
網上部份有關本地聯賽既文章,用甚麼披甲,甚麼同市大戰黎形容佢地。
好似睇緊報紙咁,感覺上佢地既地位等同英超球員咁,我好高興但又好遺憾。
高興有機會係電視見到佢地,遺憾不能親身感受佢地每次成功的一刻。 |
